Foto: polisia.kz
IIM kiberqylmysqa qarsy is-qimyl departamenti alaiaqtyq shemany uiymdastyrýshylar men oǵan qatysy bar adamdardy anyqtap, jolyn kesý boiynsha jumysty jalǵastyrýda, - dep habarlaidy Ult.kz, Polisia.kzke silteme jasap.
Almatyda politsiia qyzmetkerleri sall-ortalyqty joidy. Kúdiktiler kórshi memlekettiń azamattaryn kriptovaliýta men qor naryǵyna investitsiia salýǵa shaqyryp, aldaýmen ainalysqan. 24 kúdikti ustaldy, olardyń beseýi sheteldik azamattar.
Keńsede 55 kompiýter, 6 noýtbýk, 30 uialy telefon, kórshi memleket azamattarynyń derekteri, ártúrli nusqaýlar jazylǵan bloknottar tabylyp, tárkilendi.
“Call-ortalyq jumysshylarynyń mindetine kripto-investitsiia salǵysy keletin adamdardy izdep, olardy aldap-arbaýmen ainalysý kirgen. Aýyspaly nómirler arqyly jábirlenýshilermen bailanys ornatylyp, keiin olarǵa fishingtik saittarǵa siltemeler jiberilgen. Osylaisha adamdar týraly derbes derekter jinalǵan. Odan soń alaiaqtardyń yqpalymen azamattar óz qarajattaryn kripto-ámiiandarǵa jibergen. Qazirgi ýaqytta qylmystyq is tergelýde. Qajetti tergeý áreketteri júrgizilýde”, - dedi IIM kiberqylmysqa qarsy is-qimyl departamentiniń asa mańyzdy ister jónindegi aǵa jedel ýákili Qanysh Ashjanov.
