Almaty politsiiasy ál-Farabi dańǵylynyń boiynda jaiylyp júrgen bir úiir jylqynyń ielerin taýyp, olarǵa aiyppul saldy, dep habarlaidy QazAqparat.
Ál-Farabi dańǵylynyń boiyndaǵy prezidenttik saiabaqtyń mańynda jailyp júrgen jylqylardyń videosy áleýmettik jelide tarady.
Politsiia departamenti jylqylardyń ál-Farabi dańǵylynda jaiylyp júrgeni týraly aqparat rastalǵanyn habarlady.
«Atalǵan mekenjaiǵa Bostandyq aýdanynyń tabiǵatty qorǵaý politsiiasynyń qyzmetkerleri attandy. Tártip saqshylary janýarlardyń (jylqylardyń) iesin anyqtady. Olarǵa qatysty QR Ákimshilik quqyq buzýshylyq týraly zańnamasynyń 408 -baby boiynsha ákimshilik hattama jasaldy. Aiyppul salyndy. Sonymen qatar, profilaktikalyq áńgime júrgizildi», - dedi Bostandyq aýdandyq politsiia basqarmasynyń bastyǵy Dýman Aýhadiev.
Aita keteiik, jylqylardyń iesi Almatynyń Naýryzbai aýdanynda turady.
