Almatydaǵy ál-Farabi dańǵylynda jeńil kólikter men jol talǵamaityn kólikterdiń korteji túsirilgen video taralyp jatyr, - dep habarlaidy Tengrinews.kz tilshisi.
Videony áleýmettik jelide bloger Aleksandr Tsoi jariialady. Videoda memlekettik nómiri joq kólikterdi kórýge bolady.
"Bizdiń politsiia IIM reformalary men qylmys deńgeiin azaitý maqsatynda jumys istep jatqan kezde Almaty tártipsizdikke tolǵan qala ainalyp jatyr. Munda seni tapa-tal túste tonap, kólik ainasy úshin óltirip ketýi múmkin. (...) Kúndiz ortalyq kóshede memlekettik nómiri joq, kóleńkelengen terezelermen jáne arnaiy dabyldardy qosyp qoiyp, artqa qarai qozǵalyp, jolaýshylardy tasymaldaý erejelerin buzǵan kólikterdiń saldarynan joldan keleńsizdik boldy. Al bylaisha, iia, bizde qylmys deńgeii azaiyp jatyr", - dep jazǵan bloger videonyń sipattamasyna.
Politsiia qyzmetkeleri bolsa, videodaǵy adamdardyń izdestirilip jatqanyn aitady.
"Ákimshilik politsiia basqarmasynyń mamandandyrylǵan batalony osy videodaǵy adamdardy izdestirýge kiristi. Sharalar qoldanylyp jatyr. Barlyǵy jazalanady", - dep habarlady Almaty qalalyq IID baspasóz qyzmetiniń ókilderi.
