Foto: Zakon.kz
Almatydaǵy Ál-Farabi dańǵylynda bolǵan jol apaty videoǵa túsip qaldy, - dep habarlaidy Tengrinews.kz agenttigi.
Kadrlarǵa qaraǵanda, kólik joldan shyǵyp ketip, aýdarylyp qalǵan. Video tanymal pablikterde jariialandy.
Almaty politsiiasy málimetinshe, kólik júrgizýshisi oqiǵa ornynda qaza bolǵan.
"Oqiǵa Almatynyń Bostandyq aýdanynda bolǵan. Ál-Farabi dańǵylymen batys baǵytta kele jatqan Nissan kóliginiń júrgizýshisi joldaǵy kólikterge soqtyǵysyp, saldarynan aýdarylyp qalǵan. 1951 jyly týǵan júrgizýshi oqiǵa ornynda qaza boldy. Derek Qazaqstan Respýblikasy Qylmystyq kodeksiniń 345-baby 3-bóligi boiynsha sotaldy tergep-tekserýdiń biryńǵai tizilimine tirkeldi. Tiisti saraptamalar taǵaiyndalady, onyń ishinde adam ólimine de qatysty", - dedi Almaty PD Anyqtaý bóliminiń bastyǵy, politsiia podpolkovnigi Oljas Sháripov.
