Jambyl atyndaǵy qalalyq jasóspirimder kitaphanasynda aqyn Shómishbai Sarievtiń týǵanyna 75 jyl tolýyna arnalǵan fleshbýk bastaldy, dep habarlaidy "Ult aqparat".
Aqynnyń ómiri men shyǵarmashylyǵyna arnalǵan «Sezim aqyny» atty fleshbýkti onlain tamashalaýǵa bolady.
Shómishbai Sariev 1946 jyly 15 sáýirde Qyzylorda oblysy, Aral aýdany, Shómish stansasynda dúniege kelgen.
Eńbek jolyn Qazaly aýdandyq «Lenin týy», Aral aýdandyq «Tolqyn» gazetterinen bastaǵan. Keiinnen «Qazaqstan» baspasynyń redaktory, «Juldyz» jýrnaly bóliminiń meńgerýshisi, Qazaqstan Respýblikasy Ulttyq ǵylym akademiiasy Muhtar Áýezov atyndaǵy Ádebiet jáne óner institýtynyń ǵylymi, aǵa ǵylymi qyzmetkeri bolǵan.
1971 jyly QazMÝ-diń jýrnalistika fakýltetin bitirgen.
Alǵashqy jyr jinaǵy 1974 jyly «Baldáýren» degen atpen jaryq kórgen. Sodan bergi aralyqta qazaq, orys tilderinde on bes shaqty kitaby shyqty.
«Tarlan» syilyǵynyń iegeri, Qazaqstannyń eńbek sińirgen qairatkeri Shómishbai Sariev biyl 15 aqpan kúni 75 jasqa qaraǵan shaǵynda qaitys boldy.
