Almatyda aqyn Aijaryq Abylqasymnyń jańa qos kitabynyń tanystyrylymy ótti. Oǵan tanymal aqyndar Baýyrjan Jaqyp, Serik Qaliev, Erjan Alashtýǵan, Aqberen Elgezek, Erjan Jumabek, jazýshy-jýrnalist Beken Nurahmet, «Zeinolla Sánik qorynyń» quryltaishysy Qanat Zeinollauly jáne t.b. qalamgerler men oqýshylar qatysty.
Aijaryq aǵamyz is-shara uiymdastyrýshylaryna erek alǵys bildirip, án saldy. Aqyndyq bolmys, ómir kelbeti, shyǵarmashylyq jaily aita kelip, ár óleńiniń shyǵý tarihyn baiandap, olardy shabyttana oqydy.
Al, belgili ánshi Nurjan Janpeiis Áset babamyzdyń ánin áýelete shyrqap, keshtiń sánin keltirdi.
Quttyqtaý sózin aitqan shákirti Aqberen Elgezek Aijaryq Abylqasymdy "Alakól shyraqshysy" atap, aqynnyń bolmysy jaily jaqsy estelik aitty.
Aqyn Baýyrjan Jaqyp bolsa, "aqyndyq bolmys mańdaiyna jazylyp, ómir boiy sony birge alyp júretinder bar, sonyń biri - Aijaryq. Ol - "ómiri - óleń" bolǵan aqyn. Áli de tańǵajaiyp qaitalanbaityn óleńder jazatynyna senimdimin" dedi.
Kesh barysynda «Zeinolla Sánik qorynyń» direktory Serik Qaliev, jazýshy-jýrnalist Beken Nurahmet, aqyn Erjan Jumabekter kitap avtoryn quttyqtap, izgi tilekterin aitty.
Sondai-aq Abai atyndaǵy respýblikalyq mekteptiń oqýshylary aqyn óleńderin oqydy.
Keshti aqynnyń qyzy Gákký Aijaryqqyzy ákesiniń óleńin oqyp túiindedi.
