Almatyda aqsha aiyrbastaý pýnktteri keshki saǵat 16:00-ge deiin jumys isteidi, dep habarlaidy "Ult aqparat".
Almaty qalasy ákimdiginiń habarlaýynsha, megapoliste koronavirýstyń taralýyn boldyrmaý úshin aiyrbastaý pýnktteriniń jumys ýaqyty shekteldi.
«COVID-19 taralýyna jol bermeý maqsatynda Almaty qalasy aýmaǵynda karantin jáne tótenshe jaǵdai kezeńinde Almaty qalasy boiynsha koronavirýstyq infektsiianyń taralýynyń aldyn alý jónindegi jedel shtab tótenshe jaǵdai rejiminiń áreket etý ýaqytynda qalada ýákiletti bankterdiń (olardyń jumys kestesine sáikes) jáne qolma-qol shetel valiýtasymen aiyrbastaý operatsiialaryn júzege asyrýǵa quqyǵy bar ýákiletti uiymdardyń aiyrbastaý pýnktteriniń jumysyn Nur-Sultan qalasynyń ýaqyty boiynsha saǵat 10:00-den 16:00-ge deiin ýaqytsha shekteýge sheshim qabyldady» delingen habrlamada.
Bul sharalar qolma-qol shetel valiýtasymen aiyrbastaý operatsiialaryn júzege asyrý kezinde Almaty qalasynyń aýmaǵynda koronavirýstyq infektsiianyń taralý qaýpin azaitýǵa baǵyttalǵan.
