Foto: Tengrinews.kz
Búgin Almatyda №47 baǵyttaǵy avtobýs bir top adamdy qaǵyp ketti. Saldarynan 3 adam oqiǵa ornynda qaza bolyp, zardap shekken taǵy birneshe adam aýrýhanaǵa jatqyzyldy. Politsiia málimetinshe, avtobýs jolaýshysy júrgizýshini urǵan, al júrgizýshi esinen tanyp qalǵan.
Massaget.kz portalynyń habarlaýynsha, Ermek Shúkibaeva 10 jyldan beri júrgizýshi bolyp qyzmet etedi. Ol - jalǵyzbasty ana, 2 balasy bar.
Qazir áiel aýrýhanada.
"Jolaýshy uryp taldyrǵan ǵoi. Sol kezde basqa jolaýshy baryp itergen. Urǵan adam esinen tanyp, óz betimen kete bergen. Qyzym 10 jyldan beri júrgizýshi bolyp isteidi, trolleibýs aidady, keiin avtobýsqa kóshti. 2 balasy bar, jalǵyzbasty ana. Qyzym qazir aýrýhanada, kirgizbeidi. Kameradan naqty urǵanyn kórdim", - deidi júrgizýshiniń ákesi.
video: Massaget.kz
Eske salaiyq, buǵan deiin Almatydaǵy avtobýs apatynan 3 adam mert bolǵany habarlanǵan edi.
Almaty politsiia departamenti málimetinshe, 22 jeltoqsanda saǵat 18:15-te №47 baǵyttaǵy qoǵamdyq kóliktiń jolaýshysy kólikti basqarǵan áieldi urǵan, janjal saldarynan júrgizýshi esinen tanyp qalǵan. Keiin avtobýs aialdama mańynda turǵan adamdardy qaǵyp, tórt kólikpen soqtyǵysqan.
Qoǵamdyq kólik júrgizýshisin urǵan er adam ustaldy.
