Almatyda adam urlap, olarǵa nesie rásimdetken qylmystyq top qolǵa tústi, dep habarlaidy "Ult aqparat" QR IIM baspasóz qyzmetine silteme jasap.
Almaty qalasynda uiymdasqan qylmysqa qarsy kúres basqarmasynyń jedel ýákilderi belgili bir turǵylyqty jeri joq adamdardy urlaýmen jáne zańsyz bas bostandyǵynan aiyrýmen ainalysqan qylmystyq toptyń qyzmetin toqtatty.
Kúdiktiler jábirlenýshilerdi aldap, olarǵa qaitarymsyz nesie rásimdetken.
Arnaiy jalǵa alynǵan kottedjde qamaýda ustalǵan 29 adam anyqtaldy. Olarǵa keltirilgen shyǵyn 200 mln teńgeden asady.
«Sotqa deiingi tergep-tekserý nátijesi men jinaqtalǵan dáleldemeler jiyntyǵy boiynsha kúdiktilerge qatysty uiymdasqan qylmystyq top qurǵany, ony basqaryp, qatysqany úshin eki qylmystyq is qozǵaldy. Qylmystyq toptyń barlyq jeti múshesi ustalyp, qamaqqa alyndy. Zattai dáleldemeler tárkilenip, tergeý amaldary júrgizilýde. Basqa da aqparat tergeý múddesinde jariialanýǵa jatpaidy», – dedi departament bastyǵy – IIM resmi ókili Shyńǵys Alekeshev.
