Almatyda COVID-19 virýsyn juqtyrýdyń jańadan 23 jaǵdaiy anyqtaldy, onyń barlyǵy - indet juqtyrǵan naýqaspen bailanysta bolǵandar. Bul týraly qalalyq qoǵamdyq densaýlyq saqtaý basqarmasy málim etti, dep habarlaidy "Ult aqparat".
«Olardyń ishinde 17 áiel, 5 er adam jáne 6 jasar bala bar. Jańadan anyqtalǵandardyń arasynda 97 jastaǵy zeinetker áje de bar», – dep habarlaidy Almaty qalalyq qoǵamdyq densaýlyq saqtaý basqarmasy.
Qalalyq densaýlyq saqtaý basqarmasynyń málimetinshe, búgingi kúni juqpaly aýrýlar statsionarlarynda 717 adam bar. Naýqastardyń jai-kúii ázirge ózgerissiz, bir adamda – óte aýyr, 23 adamda – aýyr, 200 adamda – ortasha aýyrlyq dárejesinde, qalǵandarynda – qanaǵattanarlyq.
Jalpy, 25 sáýirge Almatyda koronavirýstyq infektsiiany juqtyrýdyń rastalǵan 814 jaǵdaiy tirkeldi.
