Almatyda 9 aidyń ishinde 94 qala turǵyny destrýktivti teris aǵymnyń yqpalynan qutylǵan. Bul týraly Almaty qalasy din isteri jónindegi basqarma basshysynyń orynbasary Erǵali Kósheke baspasóz máslihatynda, aitty dep habarlaidy QazAqparat.
Almatyda 2016 jyldan bastap aqparattyq túsindirý toby jumys isteidi. Onyń quramynda din salasyndaǵy 41 bilikti maman kirgen. Olar: tarihshylar, dintanýshylar, islamtanýshylar, zańger, filosof, psihologtar, jáne din sarapshylar.
«Ońaltý jumystary boiynsha biylǵy 9 aidyń ishinde 94 qala turǵyny destrýktivti teris dini aǵymnyń yqpalynan qutylyp, dástúrli islam dinine oraldy. Sondai-aq, Almatyda 184 dini birlestik, 115 dini ǵimarat jumys isteidi, sondai-aq 64 missioner tirkelgen», - dedi Erǵali Kósheke.
Onyń aitýynsha, Almatyda búginde 4 dini oqý orny jumys isteidi. Olar: «Nur Múbarak» ýniversiteti, Imamdardyń biliktiligin arttyrý institýty, «Ábý hanifa» medresesi, Pravoslav shirkeýiniń Almaty dini seminariiasy.
