Almatyda Qazaqstan Respýblikasy Qarýly Kúshteriniń qurylǵanyna 30 jyl tolýyn merekeleý aiasynda túrli is-shara uiymdastyrylady, dep habarlaidy shahar basshysynyń baspasóz qyzmeti.
Otan qorǵaýshylar kúni qarsańynda qalanyń barlyq mektebinde «Erlik sabaqtary», synyp saǵattary, mánerlep oqý jáne esse baiqaýlary ótedi.
"Mereke qarsańynda Ishki ister, qorǵanys, tótenshe jaǵdailar organdarynyń erekshe kózge túsken qyzmetkerlerine alǵys hattar tabys etiledi.
Sondai-aq, Almatyda úsh kún boiy, 7-9 mamyr aralyǵynda qyzmettik mindetterin atqarý kezinde qaza tapqan sarbazdardyń eskertkishterine gúl shoqtaryn qoiý rásimi ótedi" - delingen habarlamada.
Al 7 mamyrda saǵat 16.00-de Respýblika saraiynda Otan qorǵaýshylar kúnine jáne QR Qarýly Kúshteriniń 30 jyldyǵyna arnalǵan saltanatty is-shara ótedi, onyń barysynda ardagerler men áskeri qyzmetshilerge qurmet kórsetiledi.
