Almatyda 60 myńnan asa turǵyn kommýnaldyq qyzmetterdiń ótemaqysyn alatyn bolady. Bul týraly qalalyq Energetikalyq tiimdilik basqarmasynyń basshysy Áset Masabaev onlain brifing barysynda aitty, dep habarlaidy QazAqparat.
«Qazir qalada bul tizim jasaldy. Almaty boiynsha tizimde 60 mynnan astam adam bar. Bul tizimge AÁK alatyn otbasylar, 1-2-3 top múgedekteri, múgedek bala asyrap otyrǵan otbasylar, kópbalaly otbasylar, UOS ardagerleri men qatysýshylary, olarǵa teńestirilgen tulǵalar bul qarajatty ala alady. Kommýnaldyq qyzmetti óteýge derbes shoty bar osyndai tulǵalarǵa 15 myń teńgeden 2 aiǵa bólinedi. Sáýirdiń kommýnaldyq qyzmet aqysy mamyrda, mamyr aiynyń tólemi maýsymda keledi. Bul jerde eshqandai asyǵý joq», - dedi qalalyq Energetikalyq tiimdilik basqarmasynyń basshysy Áset Masabaev.
Onyń aitýynsha, jaqynda osy suraqtardy anyqtaý úshin 341 0527 jedel jelisi ashylady.
