الماتىدا 60 مىڭنان اسا تۇرعىن كوممۋنالدىق قىزمەتتەردٸڭ ٶتەماقىسىن الاتىن بولادى. بۇل تۋرالى قالالىق ەنەرگەتيكالىق تيٸمدٸلٸك باسقارماسىنىڭ باسشىسى ەسەت ماساباەۆ ونلاين بريفينگ بارىسىندا ايتتى, دەپ حابارلايدى قازاقپارات.
«قازٸر قالادا بۇل تٸزٸم جاسالدى. الماتى بويىنشا تٸزٸمدە 60 مىننان استام ادام بار. بۇل تٸزٸمگە اەك الاتىن وتباسىلار, 1-2-3 توپ مٷگەدەكتەرٸ, مٷگەدەك بالا اسىراپ وتىرعان وتباسىلار, كٶپبالالى وتباسىلار, ۇوس ارداگەرلەرٸ مەن قاتىسۋشىلارى, ولارعا تەڭەستٸرٸلگەن تۇلعالار بۇل قاراجاتتى الا الادى. كوممۋنالدىق قىزمەتتٸ ٶتەۋگە دەربەس شوتى بار وسىنداي تۇلعالارعا 15 مىڭ تەڭگەدەن 2 ايعا بٶلٸنەدٸ. سەۋٸردٸڭ كوممۋنالدىق قىزمەت اقىسى مامىردا, مامىر ايىنىڭ تٶلەمٸ ماۋسىمدا كەلەدٸ. بۇل جەردە ەشقانداي اسىعۋ جوق», - دەدٸ قالالىق ەنەرگەتيكالىق تيٸمدٸلٸك باسقارماسىنىڭ باسشىسى ەسەت ماساباەۆ.
ونىڭ ايتۋىنشا, جاقىندا وسى سۇراقتاردى انىقتاۋ ٷشٸن 341 0527 جەدەل جەلٸسٸ اشىلادى.
