Foto: ashyq derekkóz
Almatyda múgedektik rásimdeýge kómektesemin dep alty naýqasty aldap ketken klinika dárigerine sot úkimi shyqty, dep habarlaidy Ult.kz.
Tergeý derekterine sáikes, ol jumys ornynda óz qyzmetin resmi usynǵanymen, shyn máninde múgedektik rásimdeýge járdem kórsetýge quqyǵy bolmaǵan. Dáriger azamattardan jalpy somasy 4 mln teńgeden astam aqsha alyp, ony jeke qajetine jumsaǵan.
Prokýratýra usynǵan dáleldemeler aiyptalýshynyń kinásin tolyq dáleldedi. Sot onyń is-áreketin qylmystyq quqyq buzýshylyqtar jiyntyǵy retinde baǵalap, bas bostandyǵynan aiyrý jazasyn taǵaiyndady. Sondai-aq keltirilgen materialdyq shyǵyn tolyq kólemde óndirildi.
Úkim zańdy kúshine endi.
Qala prokýratýrasy azamattardy áleýmettik qyzmetter men jeńildikter alý úshin tek ýákiletti organdarǵa jáne resmi memlekettik portaldarǵa júginýge shaqyrdy.
