Foto: Dáýren Isaev
Almatyda qaladaǵy barlyq mekteptiń oqýshylary men muǵalimderi 6 myńnan astam kórkem ádebiet týyndysyna elektrondy jáne aýdio formatta qol jetkizdi. Bul týraly Almaty qalasynyń ákimi Erbolat Dosaev pedagogterdiń qalalyq tamyz keńesinde málimdedi.
Shahar basshysy Almatyda tsifrlyq sheshimder balalarǵa arnalǵan bilim berý mazmunyn aitarlyqtai ózgertetin jáne jaqsartatyn birqatar jobanyń júzege asyp jatqanyn aitty.
Foto: Dáýren Isaev
«Kitap.kz jobasy qala mektepteriniń oqýshylary men muǵalimderine elektrondy jáne aýdio formattaǵy 6000-nan astam kórkem ádebiet týyndysyna qoljetimdilikti qamtamasyz etetin biregei tsifrlyq kitaphana retinde óziniń tiimdiligin kórsetti», - dep Erbolat Dosaev tsifrlyq platformalar jańa bilim berý baǵdarlamalaryn ázirleýdiń jáne úzdiksiz oqytýǵa jaǵdai jasaýdyń negizgi quralyna ainalyp otyrǵanyn jetkizdi.
Aita keteiik, Almatyda 2024-2025 oqý jylynyń qarsańynda «Digital Kazakhstan: jańa zamandaǵy bilim berý» taqyrybynda pedagogtardyń qalalyq tamyz sammiti ótip jatyr.
Sammit pedagogterdiń kásibi deńgeiin arttyrýǵa, bilim berý salasyndaǵy ozyq tájiribe jáne jańa tehnologiia almasýǵa baǵyttalǵan.
Foto: Dáýren Isaev
