Foto: TJM
Búgin tańǵy ýaqytta Almatynyń Jetisý aýdanyndaǵy ákimshilik ǵimaratynan órt shyqty. Jalyn shatyr men ǵimarattyń syrtqy qaptamasyn sharpyǵan. Ishki jaǵynda tez tutanatyn materialdardyń bolýy órttiń qarqyndy taralýyna sebep bolǵan, dep habarlaidy Ult.kz.
Tilsiz jaýdy aýyzdyqtaýǵa 85 órt sóndirýshi men 25 arnaiy tehnika jumyldyryldy. Sondai-aq órtti sóndirý jumystaryna memlekettik emes uiymdar da atsalysty. «Almaty Sý» mekemesi úzdiksiz sý jetkizip otyrdy.
«Oqiǵa ornynda jedel shtab jumys istedi. Órt tolyǵymen sóndirildi. Qaza tapqandar men zardap shekkender joq», – dep habarlady TJM ókilderi.
