Biyl Almatyda 545 túlek «Altyn belgi» alýy múmkin, dep habarlaidy QazAqparat.
«Biylǵy oqý jylynda Almaty qalasynyń mektepterin 9299 túlek támamdaidy. Onyń ishinde 545 oqýshy «Altyn belgiden» úmitti. Biyl 9 jáne 11-synyp oqýshylary úshin qorytyndy attestattaý júrgizilmeidi. Attestat biylǵy oqý jylynyń baǵalary negizinde qoiylady»,– dedi Almaty qalalyq Bilim basqarmasynyń basshysy Lázzat Jylqybaeva onlain-brifing barysynda.
Sonymen qatar, ol 6 sáýirden bastap qazirgi ýaqytqa deiin 276 myńnan astam oqýshy jáne 66 myńnan astam kolledj stýdenti qashyqtan oqyp jatqanyn jetkizdi.
«Jergilikti biýdjetten bólingen qarjylandyrý jáne demeýshilerdiń arqasynda barlyq oqýshy men 18 myńnan asa oqytýshy 100 paiyz kompiýtermen, internet jelisimen qamtamasyz etildi»,– dep atap ótti basqarma basshysy.
