Biyl Almatyda 9 myńnan astam oqýshy mektep bitirdi, olardyń 545 «Altyn belgi» iegeri atandy, dep habarlaidy QazAqparat.
Altyn belgi iegerleriniń biri – Nazerke Alǵashbekovanyń aitýynsha, mektep qashanda jaqsylyq pen izgiliktiń, parasattylyq pen rýhaniiatqa toly oidyń, tanym men tárbieli isterdiń ordasy.
«Osynda ótkizgen oqýshylyq ómirimizde bizge altyn uiamyz osyndai ulaǵatty isterdiń ushqynyn boiymyzǵa sińirdi, tálimimen júrekterdi sýardy, baiypty baǵdaryn baǵyt etti, bilimniń kókjiegin boiymyzǵa darytty» – deidi Altyn belgi iegeri.
Sonymen qatar, ol qashyqtan oqý formaty oqýshylarǵa, ustazdarǵa ásirese ata-analarǵa ońai bolmaǵanyn tilge tiek etti. Dese de, senim men kúsh jigerdiń arqasynda oqý jylyn oidaǵydai aiaqtaldy.
«Sizder ár kezde de bizdiń bolashaǵymyzǵa alańdadyńyzdar, sol bolashaqtyń basty qarýy bolyp tabylatyn bilim atty asyl kúshti búldirshin kezimizden bastap sińire bildińizder. Sizderdiń osyndai ushan-teńiz eńbekterińiz ben tógilgen mańdai terlerińiz - erteńgi bolashaq. Elimizde bolǵan jaǵdaiǵa qaramastan 4-shi toqsandy sátti aiaqtadyq. Osy úshin de Sizderge- №147 gimnaziia ustazdaryna, ujymyna eren eńbek,qoldaýlaryńyzǵa shyn júrekten alǵys aitamyn» – deidi Nazerke Alǵashbekova.
Óz kezeginde, mektep direktory Roza Makejanova oqýshylar men ata– analardy oqý jylynyń aiaqtalýmen quttyqtady.
«Qurmetti oqýshylar, ata-analar Sizderdi oqý jylynyń aiaqtalýymen quttyqtaimyn. Taǵy bir oqý jyly artta qaldy. Biylǵy oqý jyly oqýshylar men muǵalimderdiń esinde erekshe saqtalyp qalady dep oilaimyn. Sebebi, eldegi tótenshe jaǵdaiǵa bailansty biz 4 toqsandy qashyqtan oqydyq. Bul erekshe úrdis boldy. Osy kezde muǵalimder úlken jaýapkershilikpen, zor yqylaspen jumys istedi, oqýshylar belsendilik tanytty, ata – analar qoldaý kórsetti. Sonyń arqasynda barlyq qiynshylyqty jeńip, sapaly bilim berdik. Sizderge aitar alǵysym sheksiz. Mektep túlekterine aldaǵy UBT sáttilik tileimin» – dedi onlain sońǵy qońyraý barysynda mektep direktory Roza Makejanova.
Aita ketsek, jalpy, 147 gimnaziiada 1072 oqýshy oqidy. Biyl 43 túlek bitirdi. Olardyń úsheýi Altyn belgi, ekeýi úzdik attestat iegeri atandy.
