بيىل الماتىدا 9 مىڭنان استام وقۋشى مەكتەپ بٸتٸردٸ, ولاردىڭ 545 «التىن بەلگٸ» يەگەرٸ اتاندى, دەپ حابارلايدى قازاقپارات.
التىن بەلگٸ يەگەرلەرٸنٸڭ بٸرٸ – نازەركە العاشبەكوۆانىڭ ايتۋىنشا, مەكتەپ قاشاندا جاقسىلىق پەن ٸزگٸلٸكتٸڭ, پاراساتتىلىق پەن رۋحانيياتقا تولى ويدىڭ, تانىم مەن تەربيەلٸ ٸستەردٸڭ ورداسى.
«وسىندا ٶتكٸزگەن وقۋشىلىق ٶمٸرٸمٸزدە بٸزگە التىن ۇيامىز وسىنداي ۇلاعاتتى ٸستەردٸڭ ۇشقىنىن بويىمىزعا سٸڭٸردٸ, تەلٸمٸمەن جٷرەكتەردٸ سۋاردى, بايىپتى باعدارىن باعىت ەتتٸ, بٸلٸمنٸڭ كٶكجيەگٸن بويىمىزعا دارىتتى» – دەيدٸ التىن بەلگٸ يەگەرٸ.
سونىمەن قاتار, ول قاشىقتان وقۋ فورماتى وقۋشىلارعا, ۇستازدارعا ەسٸرەسە اتا-انالارعا وڭاي بولماعانىن تٸلگە تيەك ەتتٸ. دەسە دە, سەنٸم مەن كٷش جٸگەردٸڭ ارقاسىندا وقۋ جىلىن ويداعىداي اياقتالدى.
«سٸزدەر ەر كەزدە دە بٸزدٸڭ بولاشاعىمىزعا الاڭدادىڭىزدار, سول بولاشاقتىڭ باستى قارۋى بولىپ تابىلاتىن بٸلٸم اتتى اسىل كٷشتٸ بٷلدٸرشٸن كەزٸمٸزدەن باستاپ سٸڭٸرە بٸلدٸڭٸزدەر. سٸزدەردٸڭ وسىنداي ۇشان-تەڭٸز ەڭبەكتەرٸڭٸز بەن تٶگٸلگەن ماڭداي تەرلەرٸڭٸز - ەرتەڭگٸ بولاشاق. ەلٸمٸزدە بولعان جاعدايعا قاراماستان 4-شٸ توقساندى سەتتٸ اياقتادىق. وسى ٷشٸن دە سٸزدەرگە- №147 گيمنازييا ۇستازدارىنا, ۇجىمىنا ەرەن ەڭبەك,قولداۋلارىڭىزعا شىن جٷرەكتەن العىس ايتامىن» – دەيدٸ نازەركە العاشبەكوۆا.
ٶز كەزەگٸندە, مەكتەپ ديرەكتورى روزا ماكەجانوۆا وقۋشىلار مەن اتا– انالاردى وقۋ جىلىنىڭ اياقتالۋمەن قۇتتىقتادى.
«قۇرمەتتٸ وقۋشىلار, اتا-انالار سٸزدەردٸ وقۋ جىلىنىڭ اياقتالۋىمەن قۇتتىقتايمىن. تاعى بٸر وقۋ جىلى ارتتا قالدى. بيىلعى وقۋ جىلى وقۋشىلار مەن مۇعالٸمدەردٸڭ ەسٸندە ەرەكشە ساقتالىپ قالادى دەپ ويلايمىن. سەبەبٸ, ەلدەگٸ تٶتەنشە جاعدايعا بايلانستى بٸز 4 توقساندى قاشىقتان وقىدىق. بۇل ەرەكشە ٷردٸس بولدى. وسى كەزدە مۇعالٸمدەر ٷلكەن جاۋاپكەرشٸلٸكپەن, زور ىقىلاسپەن جۇمىس ٸستەدٸ, وقۋشىلار بەلسەندٸلٸك تانىتتى, اتا – انالار قولداۋ كٶرسەتتٸ. سونىڭ ارقاسىندا بارلىق قيىنشىلىقتى جەڭٸپ, ساپالى بٸلٸم بەردٸك. سٸزدەرگە ايتار العىسىم شەكسٸز. مەكتەپ تٷلەكتەرٸنە الداعى ۇبت سەتتٸلٸك تٸلەيمٸن» – دەدٸ ونلاين سوڭعى قوڭىراۋ بارىسىندا مەكتەپ ديرەكتورى روزا ماكەجانوۆا.
ايتا كەتسەك, جالپى, 147 گيمنازييادا 1072 وقۋشى وقيدى. بيىل 43 تٷلەك بٸتٸردٸ. ولاردىڭ ٷشەۋٸ التىن بەلگٸ, ەكەۋٸ ٷزدٸك اتتەستات يەگەرٸ اتاندى.
