Foto: kazgazeta.kz
Almaty qoǵamdyq qaýipsizdikti tsifrlandyrýda kósh bastap, jaily da qaýipsiz ómir súrý úshin jańa tehnologiialar arqyly qala turǵyndaryna barynsha jaǵdai jasap jatyr. Óńirlik kommýnikatsiialar qyzmetinde Almaty qalasy Tsifrlandyrý basqarmasy basshysynyń mindetin atqarýshy Meiram Dúisekov osylai dep málimdedi.
Prezident Qasym-Jomart Toqaev óz Joldaýynda ekonomika salalaryn tsifrlyq túrlendirýdi tapsyrǵan bolatyn. Osy mindet aiasynda shahar ákimdigi biraz jobany iske asyrǵaly jatyr.
Almaty elimizde alǵash ret Biryńǵai beinemonitoring júiesin engizdi. Qalada qazir 54 myńnan astam kamera ornatylǵan, onyń 2,2 myńy adamnyń bet-álpetin tani alady.
Jyl sońyna deiin kameranyń sany 70 myńǵa jetpek. Sonymen qatar «Sergek» intellektýaldy júiesi jol qaýipsizdigin baqylap keledi. Qazir osyndai 1 641 keshen jumys istep tur.ts Sonyń nátijesinde jol apaty 20%-ǵa, adam shyǵyny 40%-ǵa azaiǵan.
«Keshendi qaýipsizdik júiesi de mańyzdy ról atqarady. Onyń aiasynda 215 mektep, 193 balabaqsha men 64 meditsinalyq nysanǵa beinebaqylaý ornatyldy. Bul júie tótenshe jaǵdai qyzmetine avtomatty túrde habar berip, oqiǵany taldaýǵa múmkindik jasaidy. Qalada qosymsha 32 SOS túimesi ornatyldy», – dedi spiker.
Tsifrlyq sheshimder turǵyn úi-kommýnaldyq salaǵa da engizilgen. ialma.kz platformasy 40-tan astam qyzmetti avtomattandyryp, qala turǵyndarynan 10 myńnan astam ótinish qabyldady.
Almatynyń tájiribesi – tsifrlandyrýdyń yńǵailylyq qana emes, sonymen birge qala ómiriniń qaýipsizdigi men senimdi infraqurylymyn qalyptastyrýdyń kepili ekenin kórsetip otyr.
