فوتو: kazgazeta.kz
الماتى قوعامدىق قاۋٸپسٸزدٸكتٸ تسيفرلاندىرۋدا كٶش باستاپ, جايلى دا قاۋٸپسٸز ٶمٸر سٷرۋ ٷشٸن جاڭا تەحنولوگييالار ارقىلى قالا تۇرعىندارىنا بارىنشا جاعداي جاساپ جاتىر. ٶڭٸرلٸك كوممۋنيكاتسييالار قىزمەتٸندە الماتى قالاسى تسيفرلاندىرۋ باسقارماسى باسشىسىنىڭ مٸندەتٸن اتقارۋشى مەيرام دٷيسەكوۆ وسىلاي دەپ مەلٸمدەدٸ.
پرەزيدەنت قاسىم-جومارت توقاەۆ ٶز جولداۋىندا ەكونوميكا سالالارىن تسيفرلىق تٷرلەندٸرۋدٸ تاپسىرعان بولاتىن. وسى مٸندەت اياسىندا شاھار ەكٸمدٸگٸ بٸراز جوبانى ٸسكە اسىرعالى جاتىر.
الماتى ەلٸمٸزدە العاش رەت بٸرىڭعاي بەينەمونيتورينگ جٷيەسٸن ەنگٸزدٸ. قالادا قازٸر 54 مىڭنان استام كامەرا ورناتىلعان, ونىڭ 2,2 مىڭى ادامنىڭ بەت-ەلپەتٸن تاني الادى.
جىل سوڭىنا دەيٸن كامەرانىڭ سانى 70 مىڭعا جەتپەك. سونىمەن قاتار «سەرگەك» ينتەللەكتۋالدى جٷيەسٸ جول قاۋٸپسٸزدٸگٸن باقىلاپ كەلەدٸ. قازٸر وسىنداي 1 641 كەشەن جۇمىس ٸستەپ تۇر.تس سونىڭ نەتيجەسٸندە جول اپاتى 20%-عا, ادام شىعىنى 40%-عا ازايعان.
«كەشەندٸ قاۋٸپسٸزدٸك جٷيەسٸ دە ماڭىزدى رٶل اتقارادى. ونىڭ اياسىندا 215 مەكتەپ, 193 بالاباقشا مەن 64 مەديتسينالىق نىسانعا بەينەباقىلاۋ ورناتىلدى. بۇل جٷيە تٶتەنشە جاعداي قىزمەتٸنە اۆتوماتتى تٷردە حابار بەرٸپ, وقيعانى تالداۋعا مٷمكٸندٸك جاسايدى. قالادا قوسىمشا 32 SOS تٷيمەسٸ ورناتىلدى», – دەدٸ سپيكەر.
تسيفرلىق شەشٸمدەر تۇرعىن ٷي-كوممۋنالدىق سالاعا دا ەنگٸزٸلگەن. ialma.kz پلاتفورماسى 40-تان استام قىزمەتتٸ اۆتوماتتاندىرىپ, قالا تۇرعىندارىنان 10 مىڭنان استام ٶتٸنٸش قابىلدادى.
الماتىنىڭ تەجٸريبەسٸ – تسيفرلاندىرۋدىڭ ىڭعايلىلىق قانا ەمەس, سونىمەن بٸرگە قالا ٶمٸرٸنٸڭ قاۋٸپسٸزدٸگٸ مەن سەنٸمدٸ ينفراقۇرىلىمىن قالىپتاستىرۋدىڭ كەپٸلٸ ەكەنٸن كٶرسەتٸپ وتىر.
