Áleýmettik jelilerde balaǵa kómek kórsetý týraly taraǵan úndeýge Almaty qalasynyń politsiia qyzmetkerleri birden qoldaý bildirdi, dep habarlaidy ult.kz.
Búgin Almaty qalasy politsiia departamentiniń arnaiy jyldam qimyldaityn arnaiy jasaǵynyń 50-den astam qyzmetkeri qan tapsyrdy. Olardyń árqaisysyn ortaq maqsat biriktirdi — qazir kómekke asa muqtaj kishkentai naýqasty qoldaý.
Politsiia qyzmetkerleri kún saiyn sabyrlyqty, batyldyqty jáne kez kelgen sátte kómekke kelýge daiyn bolýdy talap etetin mindetterdi atqarady. Al búgin olardyń kómegi basqa qyrynan qajet boldy. Olar donor retinde bir adamǵa eń qymbat syidy, ómir súrýge múmkindik beretin úmitti usyndy.
Almaty qalasy PD jyldam qimyldaityn arnaiy jasaǵynyń komandiri Azamat Isergýjin balaǵa qoldaý kórsetý týraly sheshimniń esh oilanbastan qabyldanǵanyn atap ótti.
— Balanyń ómiri men densaýlyǵyna qatysty másele turǵanda, beijai qalýǵa bolmaidy. Úndeýdi kórip, kómektesýimiz kerek dep sheshtik. Qyzmetkerlerimizdiń árqaisysy úshin bul jai ǵana qan tapsyrý emes. Bul kishkentai bala men onyń otbasyna shyn máninde mańyzdy kómek kórsetýge berilgen múmkindik. Bizdiń qanymyz balanyń osy qiyn kezeńnen ótýine sep bolyp, tezirek saýyǵyp ketýine yqpal etedi dep úmittenemiz, – dedi Azamat Isergýjin.
Almaty qalasynyń politsiia departamentinde politsiia qyzmetkerleri azamattarǵa tek qyzmettik mindetteri aiasynda ǵana emes, adamdyq turǵydan da qoldaý kórsetýge daiyn ekenderin atap ótti.
Kómek kórsetý, janashyrlyq tanytý jáne qiyn sátte qol ushyn sozýǵa daiyn bolý – mamandyǵyna qaramastan adamdardy biriktiretin qundylyqtar.
