Keshe Almaty qalasynda qalyń qardyń saldarynan 200-ge jýyq butaq pen aǵash qulady. Saldarynan 50-den astamy jeke kólikke zaqym keltirgen, dep jazady "Ult aqparat".
Qalalyq qutqarý qyzmetiniń habarlaýynsha, «109» qyzmetiniń qutqarýshylary men aýdandyq ákimdik qyzmetkerleri qulaǵan aǵashtardy tazalaý úshin atalǵan jerlerge barady.
«Kóptegen jaǵdaida qutqarýshylar qulaǵan aǵashty alyptastaý úshin úshin arnaiy quraldy, gidravlikalyq júk kótergish krandy qoldandy. «109» qyzmetine kelip túsken qońyraýlar tez arada óz sheshimin tapty»,- dep habarlaidy qutqarý qyzmeti.
Sonymen qatar, qutqarý qyzmeti turǵyndardy qalyń qar nemese nóser jańbyr kezinde jeke qaýipsizdik sharalaryn saqtaýǵa shaqyrady.
«Kommýnaldyq jáne qalalyq qyzmetter qabyldaǵan shuǵyl sharalarǵa qaramastan, megapolistiń keibir aýdandarynda aǵashtardyń qulaýy múmkin. Jaraqat men aýyr zardaptardyń aldyn alý úshin, aǵashtar men kópqabatty úilerdiń qasynda júrmeýge keńes beremiz. Sondai-aq, kólikterińizdi qar basyp qalǵan aǵashtyń túbine qoimańyz»,- dep tolyqtyrdy qalalyq qutqarý qyzmeti.
