كەشە الماتى قالاسىندا قالىڭ قاردىڭ سالدارىنان 200-گە جۋىق بۇتاق پەن اعاش قۇلادى. سالدارىنان 50-دەن استامى جەكە كٶلٸككە زاقىم كەلتٸرگەن, دەپ جازادى "ۇلت اقپارات".
قالالىق قۇتقارۋ قىزمەتٸنٸڭ حابارلاۋىنشا, «109» قىزمەتٸنٸڭ قۇتقارۋشىلارى مەن اۋداندىق ەكٸمدٸك قىزمەتكەرلەرٸ قۇلاعان اعاشتاردى تازالاۋ ٷشٸن اتالعان جەرلەرگە بارادى.
«كٶپتەگەن جاعدايدا قۇتقارۋشىلار قۇلاعان اعاشتى الىپتاستاۋ ٷشٸن ٷشٸن ارنايى قۇرالدى, گيدراۆليكالىق جٷك كٶتەرگٸش كراندى قولداندى. «109» قىزمەتٸنە كەلٸپ تٷسكەن قوڭىراۋلار تەز ارادا ٶز شەشٸمٸن تاپتى»,- دەپ حابارلايدى قۇتقارۋ قىزمەتٸ.
سونىمەن قاتار, قۇتقارۋ قىزمەتٸ تۇرعىنداردى قالىڭ قار نەمەسە نٶسەر جاڭبىر كەزٸندە جەكە قاۋٸپسٸزدٸك شارالارىن ساقتاۋعا شاقىرادى.
«كوممۋنالدىق جەنە قالالىق قىزمەتتەر قابىلداعان شۇعىل شارالارعا قاراماستان, مەگاپوليستٸڭ كەيبٸر اۋداندارىندا اعاشتاردىڭ قۇلاۋى مٷمكٸن. جاراقات مەن اۋىر زارداپتاردىڭ الدىن الۋ ٷشٸن, اعاشتار مەن كٶپقاباتتى ٷيلەردٸڭ قاسىندا جٷرمەۋگە كەڭەس بەرەمٸز. سونداي-اق, كٶلٸكتەرٸڭٸزدٸ قار باسىپ قالعان اعاشتىڭ تٷبٸنە قويماڭىز»,- دەپ تولىقتىردى قالالىق قۇتقارۋ قىزمەتٸ.
