Almatydaǵy №118 mektep-gimnaziiasynda dene shynyqtyrý sabaǵy ótip jatqan kezde besinshi synyp oqýshysy qaitys boldy. Bul týraly qalalyq bilim basqarmasynyń ókilderi málimdedi, - dep habarlaidy Tengrinews.kz tilshisi.
Vedomstvo málimetinshe, 13 jastaǵy bala 16 sáýirde dene shynyqtyrý sabaǵyna densaýlyq jaǵdaiyna bailanysty barmaǵan.
"Ol dálizde boldy, sport zalynyń kireberisinde, bala dene shynyqtyrýdan bosatylǵandardyń oryndyǵynda otyrǵan. Kenet bala álsirep, oǵan alǵashqy meditsinalyq kómek kórsetilip, mekteptke jedel járdem shaqyrtyldy", - delingen relizde.
Bilim basqarmasynyń málimetinshe, Aleksei bul mektepte 1-synyptan bastap oqyǵan. Oqý barysynda birneshe ret esinen tanyp qalǵan.
"Synyp jetekshisi balany qaratý kerektigin aityp, eskertken, alaida ájesi emhanaǵa baryp, tekseristen ótip júrgenin aitqan. Atasynyń aitýynsha, balanyń qan tamyrlarynyń ótkizgishtigi nashar bolǵan. Meditsinalyq kartadaǵy jazbaǵa sáikes, bala 2014 jyldan beri esinen tanyp qala bergen, júike júieleri dárigerine qaralyp júrgen. Ol mektepte sońǵy ret 2017 jyldyń jeltoqsanynda esinen tanyp qalǵan, dáriger oǵan em jazyp bergen", - dedi Almaty qalalyq bilim basqarmasynyń ókilderi.
Qazirgi ýaqytta Almaty qalalyq Jetisý aýdandyq Ishki ister basqarmasynyń ókilderi tergeý sharalaryn júrgizip jatyr.
