الماتىداعى №118 مەكتەپ-گيمنازيياسىندا دەنە شىنىقتىرۋ ساباعى ٶتٸپ جاتقان كەزدە بەسٸنشٸ سىنىپ وقۋشىسى قايتىس بولدى. بۇل تۋرالى قالالىق بٸلٸم باسقارماسىنىڭ ٶكٸلدەرٸ مەلٸمدەدٸ, - دەپ حابارلايدى Tengrinews.kz تٸلشٸسٸ.
ۆەدومستۆو مەلٸمەتٸنشە, 13 جاستاعى بالا 16 سەۋٸردە دەنە شىنىقتىرۋ ساباعىنا دەنساۋلىق جاعدايىنا بايلانىستى بارماعان.
"ول دەلٸزدە بولدى, سپورت زالىنىڭ كٸرەبەرٸسٸندە, بالا دەنە شىنىقتىرۋدان بوساتىلعانداردىڭ ورىندىعىندا وتىرعان. كەنەت بالا ەلسٸرەپ, وعان العاشقى مەديتسينالىق كٶمەك كٶرسەتٸلٸپ, مەكتەپتكە جەدەل جەردەم شاقىرتىلدى", - دەلٸنگەن رەليزدە.
بٸلٸم باسقارماسىنىڭ مەلٸمەتٸنشە, الەكسەي بۇل مەكتەپتە 1-سىنىپتان باستاپ وقىعان. وقۋ بارىسىندا بٸرنەشە رەت ەسٸنەن تانىپ قالعان.
"سىنىپ جەتەكشٸسٸ بالانى قاراتۋ كەرەكتٸگٸن ايتىپ, ەسكەرتكەن, الايدا ەجەسٸ ەمحاناعا بارىپ, تەكسەرٸستەن ٶتٸپ جٷرگەنٸن ايتقان. اتاسىنىڭ ايتۋىنشا, بالانىڭ قان تامىرلارىنىڭ ٶتكٸزگٸشتٸگٸ ناشار بولعان. مەديتسينالىق كارتاداعى جازباعا سەيكەس, بالا 2014 جىلدان بەرٸ ەسٸنەن تانىپ قالا بەرگەن, جٷيكە جٷيەلەرٸ دەرٸگەرٸنە قارالىپ جٷرگەن. ول مەكتەپتە سوڭعى رەت 2017 جىلدىڭ جەلتوقسانىندا ەسٸنەن تانىپ قالعان, دەرٸگەر وعان ەم جازىپ بەرگەن", - دەدٸ الماتى قالالىق بٸلٸم باسقارماسىنىڭ ٶكٸلدەرٸ.
قازٸرگٸ ۋاقىتتا الماتى قالالىق جەتٸسۋ اۋداندىق ٸشكٸ ٸستەر باسقارماسىنىڭ ٶكٸلدەرٸ تەرگەۋ شارالارىن جٷرگٸزٸپ جاتىر.
