9 jastaǵy almatylyq áiel jáne onyń úsh balasy alǵash ret Qazaqstan azamattarynyń jeke basyn kýálandyratyn qujattardy aldy, dep habarlaidy "Ult aqparat".
Olga Denisovanyń 1974 jylǵy úlgidegi (KSRO) tólqujatyn 20 jyl buryn joǵaltqany anyqtaldy. Qiyn jaǵdaidy sheshý úshin áiel Memleket basshysyna júgindi.
«Olga Denisova 1972 jyly týǵan, 20 jyldan astam ýaqyt boiy Qazaqstan Respýblikasynyń aýmaǵynda jeke basyn kýálandyratyn qujattarsyz ómir súrgen.Onyń 1996 jylǵy, 1999 jylǵy jáne 2002 jyly týǵan úsh balasynyń da jeke basyn kýálandyratyn eshqandai qujattary bolmaǵan. QR zańnamasynda kózdelgen mindetti rásimder oryndalǵannan keiin, bizdiń bólimniń qorytyndysymen O.S.Denisova jáne onyń balalary 20.12.1991 jylǵy No1017-X11 «Qazaqstan Respýblikasynyń azamattyǵy týraly» Zańynyń 3-tarmaǵyna sáikes, Qazaqstan Respýblikasynyń azamattary dep tanyldy. Sáikesinshe, olarǵa Qazaqstan Respýblikasy azamatynyń jeke kýálikteri berildi», – dedi Almaty qalalyq PD Kóshi-qon qyzmeti basqarmasynyń bastyǵy Ashat Býtýnchinov.
Olga Denisovanyń qyzy óz kezeginde otbasy úshin mańyzdy máseleni sheshkeni úshin rizashylyǵyn bildirdi.
«Biz elimizdiń Prezidentinen kómek suradyq, sodan keiin olar bizge shuǵyl kómektesti, qujattardy jasady, bul úshin men QR Prezidentine, Almaty qalasynyń kóshi-qon qyzmetine rahmet aitamyn, – deidi Aleksandra Denisova.
