Almatyda koronavirýs infektsiiasyn 383 meditsina qyzmetkeri, 1 politsiia qyzmetkeri, 40 stýdent juqtyrǵan. Bul aqparatty búgin onlain brifing barysynda qalanyń bas sanitarlyq dárigeri Jandarbek Bekshin jariialady, dep habarlaidy "Ult aqparat".
Onyń aitýynsha, kóbinese infektsiiany 20-29 jastaǵy jumysqa qabiletti adamdar juqtyrǵan.
«Búginde bul virýstan eń az japa shekkenderdiń qatarynda politsiiany aitýǵa bolady. Blokposttaǵy bir politsiia qyzmetkeri juqtyrǵan. Jalpy qalada 693 jaǵdai tirkeldi. 100 myń adamǵa shaqqanda aýrý kórsetkishi 33,9 %, adam ólimi - 0,7% bolyp otyr», - dedi ol.
Sondai-aq, 10 oqýshy, 40 stýdentten, shetelden kelgen 38 adamnan, UQK shekara qyzmeti akademiiasynyń 67 kýrsantynan, 2 aviatsiia qyzmetkerinen, 40 zeinetkerden, 55 jumyssyz adamnan, 383 meditsina qyzmetkerinen koronavirýs infektsiiasy tabylǵan.
Odan bólek Jandarbek Bekshin basqaryp otyrǵan departamenttiń 7 qyzmetkeri virýs juqtyrǵany anyqtaldy.
0-14 jas aralyǵynda - 21 jaǵdai, 15-19 jas aralyǵynda – 43, 20-29 jas aralyǵynda - 212, 30-39 jas aralyǵynda - 129, 40-49 jas aralyǵynda - 116, 50-59 jas aralyǵynda - 115, 60 jastan joǵary – 42 jaǵdai tirkelgen.
