Saperler Almatyda «minalanǵan» 34 mektepti tekserip shyqty. Jarylǵysh qurylǵylar tabylǵan joq, dep habarlaidy "Ult aqparat".
Buǵan deiin, Almatynyń 12 mektebinde jarylǵysh zattar izdestirilip jatqany týraly habarlaǵan bolatynbyz. Keiin «minalanǵan» mektepter sany 34-ke jetti.
Belgisiz adam aqsha aýdarýdy talap etken. Eger aqsha aýdarylmasa mektepterdi jaryp jiberetinin aitqan.
«Politsiianyń saperlik bólim qyzmetkerleri 34 mektep boiynsha tekserýdi aiaqtady. Eshqandai jarylǵysh qurylǵy tabylǵan joq», - dedi Almaty Politsiia departamentiniń resmi ókili Saltanat Ázirbek.
Atalǵan fakti QR QK-niń 273-baby boiynsha sotqa deiingi tergeýdiń biryńǵai tizilimine tirkeldi. Jarylǵysh zat týraly habarlama qaldyrǵan adamnyń jeke basyn anyqtaýǵa jáne ony odan ári ustaýǵa baǵyttalǵan jedel-izdestirý sharalary júrgizilýde.
