ساپەرلەر الماتىدا «مينالانعان» 34 مەكتەپتٸ تەكسەرٸپ شىقتى. جارىلعىش قۇرىلعىلار تابىلعان جوق, دەپ حابارلايدى "ۇلت اقپارات".
بۇعان دەيٸن, الماتىنىڭ 12 مەكتەبٸندە جارىلعىش زاتتار ٸزدەستٸرٸلٸپ جاتقانى تۋرالى حابارلاعان بولاتىنبىز. كەيٸن «مينالانعان» مەكتەپتەر سانى 34-كە جەتتٸ.
بەلگٸسٸز ادام اقشا اۋدارۋدى تالاپ ەتكەن. ەگەر اقشا اۋدارىلماسا مەكتەپتەردٸ جارىپ جٸبەرەتٸنٸن ايتقان.
«پوليتسييانىڭ ساپەرلٸك بٶلٸم قىزمەتكەرلەرٸ 34 مەكتەپ بويىنشا تەكسەرۋدٸ اياقتادى. ەشقانداي جارىلعىش قۇرىلعى تابىلعان جوق», - دەدٸ الماتى پوليتسييا دەپارتامەنتٸنٸڭ رەسمي ٶكٸلٸ سالتانات ەزٸربەك.
اتالعان فاكتٸ قر قك-نٸڭ 273-بابى بويىنشا سوتقا دەيٸنگٸ تەرگەۋدٸڭ بٸرىڭعاي تٸزٸلٸمٸنە تٸركەلدٸ. جارىلعىش زات تۋرالى حابارلاما قالدىرعان ادامنىڭ جەكە باسىن انىقتاۋعا جەنە ونى ودان ەرٸ ۇستاۋعا باعىتتالعان جەدەل-ٸزدەستٸرۋ شارالارى جٷرگٸزٸلۋدە.
