© Sputnik / Ramil Sitdikov
Almatyda qylmystyq topqa qatysty sot úkimi shyqty, dep habarlaidy qalalyq prokýratýra.
Almaty qalasynyń prokýratýrasy keden salasyna tekserý júrgizgen.
"Sottalýshylar jalǵan qujattar men kedendik sáikestendirý quraldaryn paidalana otyryp, taýarlardy kedendik shekara arqyly ótkizgen. Sondai-aq naqty oryndalmaǵan jumystardyń, kórsetilmegen qyzmetterdiń jáne tielmegen taýarlardyń shot-faktýralaryn jazyp bergen", - deidi vedomstvo.
Bul is boiynsha birneshe qylmystyq is qozǵalǵan. "Keden salasyndaǵy ýákiletti ekonomikalyq operatorlar" kompaniialarynyń basshylary kúdikti retinde tanylǵan.
Saldarynan memleketke 33 milliard teńgeden astam zalal keldi.
"Sot úkimine sáikes aiyptalýshylar Qylmystyq kodekstiń 216, 234-baptary boiynsha kináli dep tanylyp, múlki memleket kirisine tárkilendi. Sottalýshylar eki jyldan jeti jylǵa deiingi merzimge bas bostandyǵynan aiyryldy", - deidi Almaty qalalyq prokýratýrasy.
