Almatyda 1999 jyly oryn alǵan qos kisi ólimi boiynsha qylmys deregi ashyldy. Bul týraly Almaty qalalyq politsiia departamenti bastyǵynyń orynbasary Rýstam Abdrahmanov Facebook-te jazdy, dep habarlaidy QazAqparat.
Qalalyq politsiia departamenti bastyǵynyń orynbasary Rýstam Abdrahmanovtyń aitýynsha, osydan 22 jyl buryn jasalǵan qylmys tikelei kýágerlerdiń joqtyǵynan, tek janama aiǵaqtardyń bolýynan kópke deiin ashylmaǵan. Degenmen, tergeýshilerdiń saýatty jumys algoritmi arqyly qylmys ashyldy.
«Nátijesinde, 2021 jylǵy 26 jeltoqsanda kúdikti anyqtalyp, ustaldy. Ol 1965 jyly 26 qarashada týǵan K. esimdi azamat bolyp shyqty. Oǵan qatysty «qamaýda ustaý» bultartpaý sharasy tańdaldy. Aǵymdaǵy jyldyń 1 aqpan kúni qylmystyq is boiynsha Almaty qalasy PD tergeý basqarmasynyń tergeýshileri men basshylarynyń esepterin tyńdadym. Qosymsha tergeý áreketterin júrgizý jáne aqpan aiynda QR Qylmystyq-protsestik kodeksiniń 300-babyna sáikes is materialdaryn joldaý (aiyptaý aktisin jáne qylmystyq isti prokýrorǵa joldaý) týraly tapsyrmalar berildi», - dep jazdy Facebook-te Rýstam Abdrahmanov.
