Foto: Almaty ákimdigi
Almatyda 2025 jyly qalanyń basty tabiǵi nysandarynyń biri bolyp tabylatyn Baým toǵaiyn abattandyrý jobasyn iske asyrý josparlanǵan. Toǵaidyń aýdany 137,7 ga quraidy, ol Túrksib aýdanynda Seifýllin men Súiinbai dańǵyldarynyń arasynda ornalasqan, dep habarlaidy Ult.kz.
2025-2027 jyldarǵa arnalǵan biýdjettiń tiisti jobasyn Almaty Máslihatynyń aldaǵy sessiiasynda qaraý josparlanýda. Bul týraly qalalyq Máslihattyń baspasóz qyzmeti habarlady.
Jobanyń maqsaty-toǵaidy ekologiialyq mańyzy bar aýmaq retinde jańǵyrtý, turǵyndar arasynda eko-sanany dáripteý. Tásildiń ereksheligi-toǵaidyń tabiǵi komponentine minimaldy aralasý.
Foto: Almaty ákimdigi
Aýmaqta shaǵyn arhitektýralyq formalar paida bolady: oryndyqtar, besedkalar, ýrnalar, sondai-aq balalar oiyndary men sportqa arnalǵan jabdyqtar. Kógaldandyrý kezinde eroziiany boldyrmaý jáne jer jumystaryn azaitý úshin tabiǵi relef pen jer jamylǵysy saqtalady.
Baým toǵaiy úsh aimaqqa bólinedi:
- • Belsendi aimaq-ashyq infraqurylymǵa qoljetimdilikti qamtamasyz etý úshin toǵaidyń perimetri boiynsha ornalasady.
- • Rekreatsiialyq aimaq-eń az infraqurylymy bar tynysh demalys orny bolady.
- • Eko-aimaq-shekteýli aralasýmen tabiǵi flora men faýnany saqtaýǵa jáne qalpyna keltirýge arnalǵan.
Foto: Almaty ákimdigi
Búkil joba úsh negizgi qaǵidaǵa negizdelgen: qalpyna keltirý, eko-aimaqtarǵa bólý jáne qaýipsizdik.
Abattandyrýdy júzege asyrý toǵaidy qala turǵyndary úshin zamanaýi, ekologiialyq jáne jaily demalys aimaǵyna ainaldyrýǵa baǵyttalǵan.
Foto: Almaty ákimdigi
