Foto: Almaty ákimdiginiń baspasóz qyzmeti
Búginde Almatyda 200 kóshe jańa ataýdy qajet etedi. Bul týraly Erbolat Dosaevtyń Túrksib aýdany turǵyndarymen kezdesýi barysynda málim boldy, - dep habarlaidy Kazinform agenttigi.
Túrksib aýdany turǵyndarynyń biri kóshe ataýyna qatysty máseleni kóterdi.
«Túrksib - tarihy tereń, kóne aýdandardyń biri. Ókinishke orai, kóshelerdiń kóbine ózge ult ókilderiniń esimi berilgen. Nege sol kóshelerdiń ataýyn ózimizdiń halyqqa eńbegi sińgen batyrlarymyzdyń, aqyn-jazýshylarymyzdyń, saiasi tulǵalardyń esimine aýystyrmasqa. Bul múmkin be?», - dep surady aýdan turǵyny.
Almaty ákiminiń orynbasary Arman Qyryqbaevtyń aitýynsha, megapoliste jańa ataýdy qajet etetin 200 kóshe bar. Teń jartysynyń ataýy múldem joq.
«Atalǵan kósheler boiynsha ótinishterdi qalalyq onomastika komissiiasy qarady. Endi respýblikalyq komissiianyń jaýabyn kútip otyrmyz. Jalǵyz Túrksib aýdany emes, qaladaǵy segiz aýdanda da eski ataýmen qalǵan kósheler bar», - dedi Erbolat Dosaev.
