Almatyda ótken onlain brifing barysynda qalalyq Taýarlar men qyzmetterdiń sapasy men qaýipsizdigin baqylaý departamentiniń basshysy Jandarbek Bekshin qaladaǵy epidemiologiialyq ahýal týraly aitty, dep habarlaidy QazAqparat.
Onyń aitýynsha, qazir Almatyda 8259 adam virýs juqtyrǵany anyqtaldy. Onyń ishinde 5480 adamda simptomdary bolsa, 2799 adamda eshqandai belgisiz ótip jatyr.
«Onyń ishinde kóbinese koronavirýs juqtyrǵandardyń jasy 20-29 aralyǵynda. Olardyń úles salmaǵy 19,3 bolyp otyr. 30-39 jastaǵy adamdar arasynda 13,1 paiyz, qaýip toby bop sanalatyn qart kisiler arasynda 7,7 paiyz qurap otyr», - dedi J.Bekshin.
Bas sanitarlyq dárigerdiń aitýynsha, kóbinese bul jastardyń jaýapkershiliginiń joqtyǵyn bildirip otyr.
«Bizdiń eń birinshi aýrýlardyń taralý sebebi jastar arasynda áleýmettik qashyqtyqty saqtamaý, maska kimeý kóp kezdesedi. Jáne jastar shoǵyrlanyp júredi. Sol úshin olar úlken kisilerdiń ómirine qaýip tóndiredi. Olar ózderi jeńil aýyryp turýy múmkin. Al úlken kisilerge bul óte qaýipti. Qart kisilerge úide otyryp, eshqaida shyqpaý kerek», - dedi Bekshin.
