Almatyda jappai dezinfektsiia sharalary jasalady, dep habarlaidy "Ult aqparat".
Almaty ákimdiginiń baspasóz qyzmeti taratqan aqparatqa sáikes, barlyǵy 494 nysanda dezinfektsiia júrgiziledi.
Alataý aýdanynda - 8 bazar, 11 saýda ortalyǵy, 4 skver;
Almaly aýdanynda - 6 bazar, 29 saýda ortalyǵy, 47 sport nysany jáne fitnes ortalyqtar, 1 saiabaq, 22 skver, 5 býlvar, 17 jasyl aimaq;
Áýezov aýdanynda - 4 bazar, 32 saýda ortalyǵy, 30 fitnes ortalyq, 1 saiabaq, 3 skver jáne 1 býlvar.
Bostandyq aýdanynda - 31 saýda ortalyǵy, 59 sport nysany jáne fitnes ortalyq, 4 saiabaq, 3 skver, 4 býlvar, 3 jaǵajai;
Jetisý aýdanynda - 16 bazar, 15 saýda ortalyǵy, 15 fitnes ortalyq, 1 saiabaq;
Medeý aýdanynda - 2 bazar, 19 saýda ortalyǵy, 31 fitnes ortalyq, 2 saiabaq, 1 skver;
Naýryzbai aýdanynda - 3 bazar, 2 saýda ortalyǵy, 3 fitnes ortalyq, 2 saiabaq, 1 skver;
Túrksib aýdanynda - 6 bazar, 7 saýda ortalyǵy, 10 fitnes ortalyq, 3 saiabaq, 11 skver, 1 jaǵajai zararsyzdandyrylady.
«Almaty Tazalyq» MKK jáne aýdandardyń merdigerlik uiymdarynyń kúshimen kóshelerge, saiabaqtar men skverlerge, trotýarlarǵa, kóshe ýrnalary men oryndyqtarǵa, aialdamalarǵa, bankomattarǵa, terminaldarǵa, jer asty jáne jer ústi ótpeli joldarǵa keń kólemdi dezinfektsiia júrgiziletin bolady.
Bul jumystarǵa 70 tehnika men 150 adam jumyldyrylady. Dezinfektsiialyq óńdeý úshin adamdar men janýarlarǵa eshqandai qaýip tóndirmeitin 4-shi synypty qaýipsiz preparattar qoldanylady.
Saýda jáne qyzmet kórsetý oryndaryn dezinfektsiialaýdy menshik ieleri ózderi júrgizedi.
Dezinfektsiialaý jumystary 20-21 maýsymda taǵy saǵat 8.00 den 18.00-ge deiin júrgiziledi.
