Almatyda taiaýda koronavirýs juqtyryp, em alyp jatqan 2 jasar qyzdyń anasynan da virýs tabyldy, dep habarlaidy "Ult aqparat".
Qalalyq qoǵamdyq densaýlyqty saqtaý basqarmasy basshysy Tileýhan Ábildaevtyń habarlaýynsha, koronavirýs juqtyrǵan eki balanyń jaǵdaiy qazir birqalypty.
«Dene qyzýy joq. Aýrý belgileri (simptomdary) baiqalmaidy. 2 jastaǵy qyz anasymen birge jatyr. Anasynan da koronavirýs juqpasy tabyldy. Olar qaladaǵy balalarǵa arnalǵan juqpaly aýrýlar aýrýhanasynda jatyr. Jaǵdaiy turaqty. Jalpy Almatyda tirkelgen 17 naýqastyń da jaǵdaiy qanaǵattanarlyq», - dedi ol.
