Ulttyq statistika biýrosy Almaty qalasy boiynsha departamentiniń basshysy Aidar Ábildabekov óńirlik kommýnikatsiialar qyzmetiniń brifinginde 2021 jylǵy halyq sanaǵynyń alǵashqy nátijesi jaily aitty, dep habarlaidy QazAqparat.
«Búginde sanaq boiynsha halyqty keńinen qamtý Almaty qalasynda tirkelgen. Sanaqtan ótken turǵyndardy tirkeý boiynsha bizdiń qala óńirler arasynda birinshi orynda. 2 188 603 respondent suraldy, bul halyqtyń 109,1 paiyzy», – dedi spiker.
Ulttyq statistika biýrosy saitynyń deregi boiynsha, osy jyldyń 1 tamyzyna deiin megapoliste 2 005 496 adam turaqty tirkelgen.
Onlain-sanaq pen saýalanamanyń aralyq qorytyndysy boiynsha interviýerler qazirgi ýaqytta Almaty halqynyń sany artqanyn kórsetti.
«Sanaq el halqynyń naqty sanyn, onyń quramy men ómir súrý jaǵdaiy týraly aqparatty bilýge múmkindik beredi. Olardy taldaý nátijesi boiynsha «halyqtyń sapasy» týraly aitýǵa bolady. Sanaqtyń negizgi máni – ár adam eskerilýi kerek. Ómirlik sheshimder osyǵan bailanysty. Mysaly, jańa emhanalardy, mektepterdi qaida ashý kerek, kólik infraqurylymy máselesi sheshiledi. Demografiialyq statistikany kommertsiialyq kompaniialar da paidalanady», - deidi Aidar Ábildabekov.
Sonymen qatar, ol 15 qazandaǵy onlain sanaq aiaqtalǵan sátten bastap turǵyndardan onlain saýalnama fýnktsiiasyn jańartý týraly kóptegen ótinish túse bastaǵanyn atap ótti.
Osyǵan bailanysty saitta onlain-rejimde 21 qazannan bastap sanaq.gov.kz platformasynyń sanaq júrgizý fýnktsiiasyn jańartý týraly sheshim qabyldanǵan.
Saýalnamany burynǵydai mamandandyrylǵan sanaq.gov.kz saitynda toltyrýǵa bolady.
Ol e-Gov portaly jáne Aitu mobildi qosymshasy arqyly avtorizatsiialandy. Onlain ótý fýnktsiiasy halyq sanaǵynyń sońyna deiin qoljetimdi bolady.
«Qala 327 nusqaýshy jáne 2 287 eseptik ýchaskege bólingen. Árbir esep ýchaskesi bir interviýerge bekitilgen. Turǵyndardy tek onlain-sanaqpen qamtý boiynsha M. Áýezov aýdany kósh bastap tur – 41,79%. Al, Bostandyq aýdanynda onlain-sanaqpen qamtý deńgeii óte tómen – 24,09%. Ekinshi format – oflain-sanaq boiynsha óz aýdandarynyń 80%-dan astamyn qamtyǵan Naýryzbai, Jetisý, Alataý, Túrksib aýdandary kósh bastap tur», - dedi ol.
Ulttyq statistika biýrosynyń Almaty qalasy boiynsha departamentiniń basshysy qala turǵyndaryna belsendilik tanytqandary úshin alǵys aityp, sanaqtan ótpegen adamdardy onjyldyqtyń asa mańyzdy is-sharasyna qatysýǵa shaqyrdy.
«Eger úiińizge sanaq júrgizýshi kele almasa, onda siz onlain formatta sanaqtan óte alasyz nemese «1446» Call-ortalyǵyna qońyraý shalyp, ózińizge interviýerdi shaqyra alasyz. Halyq sanaǵynda ár adam qamtylsa, sátti ótti dep sanalady. Bul bizdiń elimizdiń búkil halqyn qamtyǵanymyzdy bildiredi», - dedi Aidar Ábildabekov.
