Búgin Qýǵyn-súrgin qurbandaryn eske alý kúni. Almatyda 1931-1933 jyldardaǵy asharshylyq qurbandary eskertkishiniń resmi ashylý saltanaty boldy, - dep habarlaidy "Ult aqparat" tilshisi Almaty qalasy ákiminiń baspasóz qyzmetine silteme jasap.
Bul sharaǵa repressiia men asharshylyqqa ushyraǵandardyń urpaqtary, qoǵam qairatkerleri, ǵalymdar, qala belsendileri men jastar qatysty.
Almaty ákimi monýmenttiń Qazaqstan Respýblikasynyń Prezidenti Nursultan Nazarbaevtyń tikelei taprysmasymen ashylyp otyrǵanynyn aitty. 1918-1933 jyldar aralyǵynda Qazaqstanda túrli derekter boiynsha úsh millionnan astam adam opat bolǵan, al 1931-1933 jyldary 1 million 700 myń adam qyrylyp ketken. 1937-1938 jyldary 100 myńnan astam qazaqstandyq repressiiaǵa ushyraǵan.
"Búgin Memleket basshysynyń "Bolashaqqa baǵdar: rýhani jańǵyrý" baǵdarlamasy aiasynda asharshylyq qurbandaryna arnalǵan eskertkishti Almatyda da ashqaly otyrmyz. Elbasynyń tikelei tapsyrmasyna sáikes ótken jyly biz osy eskertkishti jasaýǵa baiqaý jariialaǵan edik. Oǵan jalpy sany 21 joba túsip, kópshiliktiń, arnaiy mamandardyń talqylaýyna usynyldy. Astanadaǵy memlekettik komissiianyń uiǵarymymen jobalardyń ishinen balasyn keýdesine qysqan Ana beinesi jeńimpaz dep tanyldy. Ana - barsha tirshiliktiń qainar kózi, ulttyń uitqysy, keleshektiń kepili. Ana qasireti - el qasireti. Ashtyqtan buratylǵan bolashaǵyn - óz sábiin qushaqtaǵan Ananyń qaiǵyly hali sol kezeńde ómir men ólimniń arasyndaǵy qazaq halqynyń basynan keshken talaily taǵdyryn shynaiy beineleitindei. Ashylǵaly otyrǵan eskertkish óskeleń urpaqtyń jazyqsyz sheiit bolǵan ata-babalar men analardyń rýhyna bas iip, Táýelsizdiktiń táttiligin, azattyq pen beibit ómirdiń baǵa jetpes bailyq ekenin uǵyna biletin kieli oryn bolsyn dep tileimiz! Bul eskertkishtiń máni - ótkender rýhyna taǵzym, al, bolashaq úshin - taǵylym", - dedi Baýyrjan Baibek.
1931-1933 jyldardaǵy ashtyq qurbandarynyń eskertkishi "Qaraǵaily" saiabaǵyndaǵy Qabanbai batyr men Naýryzbai batyr kósheleriniń qiylysyna ornalasqan. Qola men granitten jasalǵan, biiktigi 3 metr bul eskertkishti sáýletshiler Qanat Begýliev, Aidos Búrkitbaev jáne Dýlat Úsenbaevtar jasady.
"Ashtyqtan buratylǵan sábiine qorǵan bola almaǵan Ana júregi qan jylaidy. Balanyń kózi jumýly, anasyn qushaqtaýǵa tipti áli de joq. Ana tabanynyń astynda bos tóńkerilgen qazan jatyr", - dep túsindirdi músin avtorlary.
Aita keteiik, Qazaqstan Respýblikasy Prezidentiniń 1997 jylǵy Jarlyǵy boiynsha 31 mamyr repressiia qurbandaryn Eske alý kúni bolyp jariialandy. Astanada "Asharshylyq qurbandaryna eskertkish" monýmenti men "ALJIR" murajai kesheni, ashylǵan, al Almaty oblysynda asharshylyq qurbandary men repressiiaǵa ushyraǵandarǵa monýment qoiylǵan, elimizdiń barlyq óńirlerinde murajailar, eskertkishter,memorialdy keshender bar.
