Almatyda 18 mamyrdan bastap týroperatorlar, uialy bailanystyń abonenttik bólimsheleri, ekinshi deńgeili bankter jáne qarjy sektorynyń basqa da uiymdarynyń qyzmetinen shekteýler alynyp tastalady.
Qalalyq ákimdiktiń habarlaýynsha, bul taǵy 34,2 myń adamdy jumyspen qamtýǵa múmkindik beredi.
Degenmen, qalada karantindik sharalar áli de jalǵasýda.
«Týroperatorlardyń, uialy bailanystyń abonenttik bólimsheleriniń jáne qarjy sektory kompaniialarynyń jumysy kelesi algoritm boiynsha júzege asady: Eń aldymen, Almaty qalasynyń Bas memlekettik sanitarlyq dárigeriniń qaýlysynyń erejelerimen tanysý kerek. Sosyn mindetti áleýmettik qashyqtyq, jumys oryndaryndaǵy qatań sanitarlyq rejim siiaqty ereje talaptaryna sáikes nysandy daiyndaýǵa mindetteledi. Daiyndyq jumystary sátti aiaqtalǵannan keiin infoalmaty.kz saitynda tirkelip, nysannyń erejelerdiń talaptaryna sáikes daiyndalǵanyn rastap, elektrondy tsifrlyq qoltańbamen habarlamaǵa qol qoiý arqyly kásiporynda jazylǵan normalardyń saqtalýyna kepildik beredi. Tikelei jumys ornynda qajet qyzmetkerler sanyn osy uiymdardyń jetekshileri derbes anyqtaidy», - dedi qalalyq Kásipkerlik jáne investitsiialar basqarmasynan.
Esterińizge sala ketsek, buǵan deiin Almatyda aýdit ótken jaǵdaida jeke turǵan sulýlyq salondary men bilim berý ortalyqtary, ónerkásip jáne qurylys salasyndaǵy obektiler, jobalaý uiymdary, sondai-aq úige jetkizý qyzmeti, TJO, shinomontaj, kólik jýý jáne avtosalondar, uiymdastyrý tehnikasyn jóndeý jáne jarnama agenttikteri jumysynan shekteý alynyp tastalǵan bolatyn.
Kólik jáne qoima, Aqparat jáne bailanys, qarjy qyzmetteri (50% - ekinshi deńgeili bankter, mikroqarjy uiymdary, saqtandyrý kompaniialary, brokerler, lombardtar, aiyrbastaý pýnktteri), bizneske arnalǵan kásibi qyzmetter, fotosalondar men gúl pavilondary, shashtarazdar, jyljymaityn múlik boiynsha jasalatyn operatsiialar jónindegi kompaniialar, baspa qyzmeti, aiaq kiim jóndeý jáne himiialyq tazalaý, kir jýý, 500 sharshy metrge deiin azyq-túliktik emes dúkender aýditsiz, sanitarlyq-epidemiologiialyq talaptardy oryndap qana jumysyn bastap ketken bolatyn.
