Almatyda bir táýlikte 5958 adam koronavirýsqa qarsy vaktsina saldyrdy, dep habarlaidy "Ult aqparat".
«27 sáýir kúni 5958 almatylyq vaktsina saldyrdy, onyń ishinde 1700 adam «QazVac» vaktsinasyn aldy», - dep habarlady qalalyq Qoǵamdyq densaýlyq saqtaý basqarmasynyń baspasóz qyzmetinen.
Biylǵy jyldyń 1 aqpany men 27 sáýiri aralyǵynda barlyǵy 194 106 adamǵa ekpe salyndy. «Spýtnik-V» vaktsinasynyń 2 komponentin 39 041 adam aldy.
Búgingi kúni qalada 210 pýnkt jumys istep tur. 1 197 adamnan turatyn 308 egý brigadasy bar. Sonymen qatar, 50 kóshpeli mobildi brigada uiymdastyryldy.
27 sáýir kúni qalaǵa «Spýtnik-V» vaktsinasynyń 57 895 dozasy jetkizildi.
