Almatyda 1,5 myń meditsina qyzmetkerinen turatyn kadr rezervi jasaqtaldy. Bul týraly qalalyq qoǵamdyq densaýlyq basqarmasynyń basshysy Kamaljan Nadyrov aitty, dep habarlaidy QazAqparat.
Onyń aitýynsha, qazir dárigerlerdi, orta jáne kishi meditsina qyzmetkerlerin qosa alǵanda, 4 464 qyzmetker koronavirýsqa qarsy tynbai jumys isteýde.
«Biz 1 526 qyzmetkerden kadr rezervin qalyptastyrdyq, onyń ishinde dárigerler, orta jáne kishi meditsina qyzmetkeri bar. Biraq, qosymsha tósek-oryn ashý arqyly biz qolda bar rezervti turaqty túrde jumyldyrýǵa májbúrmiz. Qalada kadr rezervin jasaǵanymyzǵa qaramastan, terapevt, pýlmonolog, anesteziolog, reanimatolog jáne infektsionist siiaqty mamandar tapshylyǵy baiqalady. Osyǵan bailanysty biz statsionarda jumys isteý úshin meditsina qyzmetkerlerin qabyldaýdy jalǵastyramyz. Tólem jáne jumys sharttary týraly konsýltatsiiany +7 (702) 633-01-68 telefony arqyly alýǵa bolady», - dedi Kamaljan Nadyrov.
Meditsina qyzmetkerleri úshin biliktilik arttyrý onlain-kýrstary udaiy ótkizilip turady.
Koronavirýspen kúreske jumyldyrylǵan barlyq meditsina qyzmetkerleri arnaiy oqytýdan ótken.
