Almaty politsiiasy qylmystyń aldyn alý maqsatynda IT-tehnologiialardyń múmkindikterin belsendi paidalanýda. Búginde qalada 120 myńǵa jýyq beinebaqylaý kamerasy bar. Olardyń 90% biýdjetten tys qarjyǵa ornatylǵan. Bul týraly politsiianyń baspasóz qyzmetinen málim etti.
«Qaýipsiz aýla» qaǵidasy boiynsha kóppáterli úilerde 44 myń 687 beinekamera ornatylsa, jeke sektor kósheleriniń qiylysynda 8 myń 642 beinebaqylaý kameralary jumys isteidi, al jeke turǵyn úilerdiń aýlalarynda 30 myń 154 beinekamera bar. Sonymen qatar qalada jekemenshik nysandarda 35 myń 892 syrtqy baqylaý kameralary ornatylǵan. Olardyń kómegimen jyl basynan beri 975 qylmystyń beti ashyldy, 8 myńnan astam ákimshilik quqyqbuzýshylyq anyqtaldy. Olardyń 5 myńnan astamy jol qozǵalysy erejelerin buzý bolyp otyr», - Almaty PD jergilikti politsiia qyzmetiniń bastyǵy Tórehan Isin.
Politsiia departamentiniń aqparatyna sáikes, beinekameralardyń arqasynda bótenniń múlkin urlaý qylmysy azaiǵan: páter tonaý - 2,3 ese, avtomobilder urlyǵy - 2,9%, uialy telefon urlyǵy - 48,1%, kólik ainalaryn urlaý - 4,3 ese, qalta urlyǵy - 3,4 ese, kólik ishinen urlaý - 13,5%, tústi jáne qara metaldy urlaý 21,7%.
«Sonymen qatar, kameralarda jazylǵan videony qoldaný nátijesinde sońǵy úsh jylda páter urlyǵy 2,9 ese tómendedi», - delingen habarlamada.
