Almatyda №12 ortalyq qalalyq klinikalyq aýrýhana tolyqtai karantinge jabyldy. Bul týraly Almaty qalasy Taýarlar men qyzmetterdiń sapasy men qaýipsizdigin baqylaý departamentiniń basshysy Aizat Moldaqasymova brifing barysynda málim etti, dep habarlaidy QazAqparat.
«Búgin 12-shi aýrýhana tolyǵymen karantinge alyndy. Olar endi naýqastardy qabyldamaidy. Bárin bútindei japty», – dedi Aizat Moldaqasymova.
Búgin, 13 sáýirde, Almatyda taǵy 27 meditsina qyzmetkeri koronavirýsty juqtyrǵany belgili boldy. Olardyń 21– i áiel jáne 6 er adam, aralarynda bir júkti áiel bar. Meditsina qyzmetkerleriniń ekeýiniń jai-kúii polisegmentti pnevmoniialaryna bailanysty – aýyr, qalǵan adamdardyń barlyǵynda – qanaǵattanarlyq dep baǵalanyp otyr.
