Almatyda 116 meditsina qyzmetkeri koronavirýs juqtyrǵan. Bul týraly qalalyq qoǵamdyq densaýlyq saqtaý basqarmasynyń basshysy Tileýhan Ábildaev aitty, - dep habarlaidy "Ult aqparat".
Almatyda 14 sáýirde koronavirýstyq infektsiiany juqtyrýdyń rastalǵan 346 jaǵdaiy tirkelgen. Onyń ishinde 6 bala, 3 júkti áiel bar.
«Qalada bir táýlikte 174 jańa naýqas tirkelgen. Onyń 58-i jergilikti naýqaspen bailanysta bolǵan adamdar. Sonyń ishinde balalar qalalyq klinikalyq juqpaly aýrýlar aýrýhanasynyń 1 qyzmetkeri, Ortalyq qalalyq klinikalyq aýrýhananyń 110 meditsina qyzmetkeri, Meditsinalyq jedel járdem qyzmetiniń 2 qyzmetkeri, №32 Qalalyq emhananyń 1 qyzmetkeri, №11 Qalalyq emhananyń 1 qyzmetkeri, №1 Qalalyq klinikalyq aýrýhananyń 1 qyzmetkeri bar», - dedi ol qaladaǵy epidemiologiialyq ahýal týraly onlain-brifingte.
Dál qazir infektsiialyq statsionarlarda Covid-19-dan 295 patsient emdelip jatyr. Onyń ishinde 7 adamnyń jaǵdaiy – aýyr , 41 adamnyń (bir áiel Almaty oblysynan) jai-kúii – ortasha aýyr, 247 adamnyń jaǵdaiy qanaǵattanarlyq dárejede.
Provizorlyq ortalyqtarda 256 adam bar, onyń ishinde – 12 bala, karantindik oqshaýlaýda – 366, úidegi karantinde – 7097 patsient bar.
