Almatyda qyrkúiek aiynan beri 115 oqýshy koronavirýs juqtyrǵan. Onyń 109 onlain rejiminde oqyp jatqan baladan anyqtaldy. Bul týraly Almaty qalasy sanitariialyq-epidemiologiialyq baqylaý departamentiniń basshysy, qalanyń bas memlekettik sanitar dárigeri Jandarbek Bekshin aitty, dep habarlaidy "Ult aqparat".
Onyń aitýynsha, búgingi kúni megopolistiń 200 mektebinde 1307 kezekti synyp bar.
«Almatydaǵy kezekshi synyptarda 17 myńǵa jýyq bala oqyp jatyr.Odan bólek 300 orynǵa arnalǵan 11 mektep bar. Sonymen qatar, 8 mektep-internat jumys isteidi. Olardyń barlyǵy oflain oqyp jatyr.Qazir oqýshylardyń basym bóligi onlain bilim alýda. Bizdi osy rejim alańdatyp otyr. Sebebi, birinshi qyrkúiekten bastap indet juqtyrǵan 115 oqýshynyń 109 qashyqtan oqyp jatqandar. Qalǵan altaýy oflain rejimdegiler.Árine ol synyptar karantinge jabyldy», – deidi Jandarbek Bekshin.
Bas memlekettik sanitar dárigerdiń pikirinshe, balalarǵa aýrýdy otbasy músheleri juqtyrǵan. Aǵa-ápkeleri men ofiste jumys isteitin ata-anasynan juǵýy múmkin.
«Biz jumys berýshilerge usynys berdik. Qolastyndaǵy qyzmetkerlerdiń 80% qashyqtan jumys isteýge jiberý kerektigin eskerttik. Bul, eń aldymen, aýrýdyń taralýyn toqtatady. Ekinshiden ata-analar úidegi balalardy barynsha baqylai alady», – dedi ol.
