Almatyda taǵy bir naýqas koronavirýs dertinen emdelip, aýrýhanadan shyǵaryldy, dep habarlaidy coronavirus2020.kz.
Qazirgi ýaqytta Almatyda koronavirýstyq infektsiiany juqtyrýdyń rastalǵan 90 jaǵdaiy tirkeldi.
Infektsiialyq statsionarlarda Almaty oblysynan 1 patsientti eskere otyryp, KVI 80 adam jatyr, onyń ishinde 1 bala bar.
68 naýqastyń jai-kúii – qanaǵattanarlyq.
2 eresek adamnyń jai-kúii – aýyr, 10 eresek adamnyń jai-kúii ortasha aýyrlyq deńgeiinde (1 oblystyq).
Barlyq emdeýge jatqyzylǵandardyń ishinde eki jaǵdai – buǵan deiin anyqtalǵan patsienttermen bailanysta bolǵan adamdar.
Barlyq bailanysqan adamdar búgingi kúni tabylǵan jáne oqshaýlaýǵa ornalastyrylǵan.
Covid-19-dan saýyǵyp, taǵy bir patsient aýrýhanadan shyǵaryldy.
Jalpy, qazirgi ýaqytta koronavirýstyq infektsiia rastalǵan, saýyǵyp aýrýhanadan shyǵarylǵandar sany 11 adamdy quraidy.
Provizorlyq ortalyqtarda barlyǵy 619 adam bar, onyń ishinde 81-i — bala.
Eki kúndik karantindik oqshaýlaýda 520 adam jatyr, onyń ishinde 50-i — bala.
Úi karantininde 3853 azamat bar.
