Almatyda jeke investitsiialardyń esebine salynǵan 103 tósek-oryndyq zamanaýi jataqhana ashyldy. Munda stýdentterge jaily bólmeler, as bólmesi, oqýǵa jáne demalýǵa barlyq jaǵdai jasalǵan. Sonymen qatar, internetpen (wi-fi) qamtamasyz etilgen kovorking aimaǵy da qarastyrylǵan.
«Jataqhana keremet! Bólmeleri keń ári jaryq, qajettiniń bári bar. Ashana da óte yńǵaily, taǵamdary dámdi. Wifi jyldamdyǵy da tamasha, sabaq oqýǵa óte yńǵaily», - dedi jataqhana turǵyny Erbol Baltabaev.
Almaty qalasy Jastar saiasaty basqarmasynyń málimetinshe, oqý jyly bastalǵanǵa deiin Almatyda 1920 oryndyq 6 jataqhana ashyldy, al jyl sońyna deiin Almaty qalasy ákimdiginiń jobalyq keńsesiniń qoldaýymen 3105 oryndyq 4 nysandy paidalanýǵa berý josparlanyp otyr. 2024 jyly jalpy 5025 oryndyq 10 nysandy, 2025-2026 jyldary 34 295 oryndyq 33 nysandy paidalanýǵa berý kózdelgen.
«Meniń jataqhanam óte yńǵaily. Kovorking aimaǵy zamanaýi jabdyqtarmen qamtylǵan, sondyqtan sabaǵymdy oqyp, jobalarymdy jasaý úshin tamasha oryn. Jumys istep otyrǵan kezde basqa stýdenttermen qarym-qatynas jasap, tájiribe almasýǵa da múmkindik bar. Sonymen qatar, jataqhanamnyń aialdamaǵa jaqyn ornalasýy óte yńǵaily. Kez kelgen baǵytqa bararda ýaqytty únemdep, qala ishinde erkin qozǵala alamyz», - dedi stýdent Ádilet Dosymbekov.
Esterińizge sala keteiik, jataqhana qurylysyn tiimdi úilestirý úshin stýdenttik jataqhanalar qurylysy boiynsha jobalyq keńse jumys istep tur. Jobalyq keńseniń negizgi mindeti Almaty qalasynda jataqhanalar qurylysy boiynsha memlekettik baǵdarlamany iske asyrý jáne stýdentterdi turǵyn úimen qamtamasyz etý úshin qolaily jaǵdai jasaý. Jobalyq keńse ashylǵannan bastap 120 áleýetti investor júgindi, onyń 67-si qazir jumysqa kirisken, bul qoldaý mehanizminiń tartymdylyǵyn kórsetedi.
Aita ketý kerek, Almaty ekonomikasy turaqty ósýdi kórsetip otyr. Jarty jylda 715 mlrd teńge investitsiia tartyldy. Jyl basynan beri 32 myńnan astam jańa jumys orny quryldy. Almatynyń JÓÓ 2024 jyly 4,7% - ǵa ósti. Almatyda negizgi kapitalǵa salynǵan investitsiialar kólemi 15,8% - ǵa ósti. "Almaty Business Development Company "Almaty qalasynyń biznesti damytý kompaniiasy" JShS Almaty qalasynda investitsiialar tartý jáne investorlardy súiemeldeý salasyndaǵy óńirlik uiym bolyp tabylady. Qoldanystaǵy zańnamaǵa sáikes Kompaniia "bir tereze"qaǵidaty boiynsha Almaty qalasynda investitsiialar tartý jáne investorlardy súiemeldeý salasyndaǵy qyzmetti júzege asyrady. Kompaniia qala ekonomikasynyń basym salalaryna investitsiialar tartady, qarjylandyrýdyń memlekettik jáne óńirlik baǵdarlamalary boiynsha konsýltatsiialar beredi, sondai-aq investitsiialyq jobalardy keshendi súiemeldeýdi júzege asyrady.
