Almaty garnizony Áskeri soty QR Qylmystyq kodeksiniń 177-babynyń 3-bóligi boiynsha (1997 jyldyń 16 shildesinde basylym) aiyptalǵan A.Mirshakirovqa qatysty qylmystyq isti qarady, - dep habarlaidy kaz.tengrinews.kz tilshisi QR áskeri sotynyń baspasóz qyzmetine silteme jasap.
Sot málimetinshe, A.Mirshakirov QR IIM Tergeý Komitetiniń Almaty áskeri-tergeý basqarmasynyń aǵa jedel ýákili qyzmetin atqarǵan.
2012 jyldyń 21 qyrkúieginde A.Mirshakirov ýákiletti tulǵa bola tura, óziniń qyzmettik mansabyn paidalanyp, polkovnik H.Mahmadievtyń 1 million 500 myń teńge qarajatyn jymqyryp, H.Mahmadievke asa kúrdeli materialdyq shyǵyn keltirip, oqiǵa bolǵan jerden qashyp ketken.
Sotqa deiingi tergeý jumystary barysynda A.Mirshakirov kinásin moiyndaǵan. Sottyń úkimi boiynsha, A.Mirshakirov kináli dep tanylyp, oǵan 3 jyl merzimge bas bostandyǵynan aiyrý jazasy taǵaiyndaldy. Sondai-aq, oǵan QR Qylmystyq kodeksiniń 63-baby boiynsha 3 jyl merzimge áskeri jáne memlekettik qyzmette laýazymdy qyzmet atqarý quqyǵynan aiyrý jazasy taǵaiyndaldy.
Sonymen qatar, alda osyndai qylmystyq quqyqbuzýshylyqtardyń oryn alý negizderi men sharttaryn boldyrmaý maqsatynda tiisti sharalar qoldaný úshin QR IIM Ońtústik aimaqtyq ÁTB atyna jeke qaýly shyǵaryldy. Sot úkimi zańdyq kúshine engen joq.
